قتلني ابن عمي قصة مؤثرة جداً

بسم الله الرحمن الرحيم

فالبداية حبيت أخبركم إن هالقصة نقلتعا من هاتفي رسلتلها لي ربيعتي وأنا تأثرت جداً من هالقصة ...
والقصة كالتالي....
فهد طالب في الصف الثاني متوسط ولد لعاب يحب اللعب خاصة مع بنت عمه سارة وكانوا ما يحسون بالوناسة إلا إذا لعبوا مع بعض بالرغم انهم صغار بس ما فهموا ايش قصة هذا الشعور وكانت ساره تحب فهد مووت وفهد يبادلها الشعور وأكثر وكانوا يقولون لبعض هالمشاعر لكن ببرائة الأطفال كانوا يضحكوا مع بعض اذا تعورت سوسو بكى فهد وإذا تعور فهد تقطع قلب سارة واستمروا على هالحال حتى صار عمرهم 18 سنة يعني صاروا بالصف ثالث ثانوي وهم لحد الآن ما ينفصلوا عن بعضهم لكن طبعاً بحكم كبر سنهم ما كانوا دايماً مع بعض يعني بين الحزه والحزه يشوف فهد ساره
لكن في هالوقت صاروا كبار وفاهمين حقيقة هالمشاعر اللي بنفسهم لذا كانت سارة تخجل تقول مشاعرها لفهد بوجهه كانت تستخدم الرسائل الرومانسية وتعوض هالمشاعر بالهدايا وكانت ترسله رسائل وهو يرد على رسائلها برسائل مليانه بالحب والرومانسيه حتى جاء ذاك اليوم اللي كان فيها فهد في الصاله الرئيسية للبيت ومثل ما الكل عارف دائما الناس تحط الصور على الجدار وكان فيه صورة لسارة ومعها قريباتها نوف ولمياء لما كانوا بالصف الأول الثانوي
فهد لما شاف صورة لمياء انبهر بجمالها وتوقفت عنده قدرة التعبير عن هذا الجمال ودخل حب لمياء بقلب فهد وتمنى يوصللها بس المشكلة كيف؟؟ودارت الأسئلة براس فهد
تذكر ان الطريفة الوحبده هي سارة وقرر يصارحها عن حبه للمياء والي قلبت حياته فةق تحت هو عارف انه اذا صارح ساره بهالكلام بكذا هو راح يقتل بنت عمه بيده وخاصة ان سارة محبوبته السابقة بعد لميا وقرر يكتب لساره وإلي يصير يصير
فكتب لها:
عزيزتي ساره"بعد ما كان يكتب لها حبيبتي سارة" كنت انوي اوصل هذا الكلام لك ولكن لم احب ان اتترك تعيشين نار الحب من طرف واحد
سارة لقد رأيت صورة لمياء في بيتكم وحبيتها من كل قلبي ورغم اني ما اعرفها ولا شفتها لكن الله اراد كذا.
حبيت اقولك ياساره عن هذا الكلام لأني اعرفك ما تخيبين رجاي فيك علشان كذا ياسوسو حابك تقولين للمياء عن كلامي وتبينين لها عن حبي لها ...الله يخليك يا ساره ما ابغاكي تزعلين لكن مابيدي شيء

اخوك فهد "بعد ما كان يكتبلها محبك"
وصلت الرسالة لساره اللي متشوقة تفتحها وتقرأ كلام فهد إلي يخليها ملكة الدنيا لكنها ما كانت تدري أن هالرسالة بتقطع قلبها وتفتت حبها وتكرهها في لميا بنت خالتها
ولما فتحت سارة الرسالة وقرأت إلي مكتوب زعلت وحز في نفسها اللي سواه ولد عمها فهد فيها لكن من محبتها له حاولت تساعد فهد للوصول للمياء
فكلمت لمياء عن فهد ومدحت ومدحت حتى امتلئ رأس لمياء عن فهد فقالت لها كلميه وقولي له اني حابة اتعرف عليه أول فوصلت سارة الكلام لفهد وفي قلبها حرقة وألم من إللي يسويه فيها فهد ومن زود ثقل دم فهد كان يجلس مع سارة ويقعد يتمدح في جمال لمياء وسارة المسكينة تغلي من داخلها نار الغيرة والحقد لكن الوفاء والمحبة لإبن عمها أكبر من الغيرة وصارت سارة ولمياء مرسال بين لمياء وفهد ولمدة سنتين وهم على هالحال وفهد يآخذ رأي سارة في كل شي يكتبه للمياء وهالشيء يزيد القهر والغيرة والحقد بقلب سارة الي بدت تجف دموعها من القهر والغيرة من كثر ما ذرفت الدمع على فهد حبيبها
كانت سارة تصلح أخطاء فهد اللي كانت من الممكن انها تنهي حب لمياءوفهد ففي بعض الرسائل جمل يحسبها فهد جمل حب واخلاص لكنها بالنسبة للمياء خيانةوتنبهه وتعدل فيهن حتى تنقذ هالحب وهي الضحية وكانت تسوي هالشي عن طيبة قلب وإخلاص لحبيبها فهد لأنها ما تبغى أي شي يزعجه وفهد يترك الرسالة يوم أو يومين عند سارة عشان تعدلها قبل عن ترسلها للمياء وسارة تعدل وهي جريحة القلب دامعة العين ومتحملة وتحاول ما تبين هالشي لفهد دخل سن الزواج فكر فهد يخطب لمياء وطبعا الواسطة بينهم سارة اللي طرحت الفكرة لخالتها ام لمياء ومدحت فهد لها وفعلاً خطبها وملك عليها وساعدتهم في اختيار الشبكة واصبح فهد يعتبر سارة اخته بعد ما كان يعتبرها حبيبة عمره تزوج فهد من لمياء وانجبوا 4 أطفال
وعاشت سارة ترفض الخطاب الواحد تلو الآخر ونفسيتها تسوء شيء فشيء وعنست سارة في بيت أهلها وهي باكية حزينة مكسووورة القلب
بعد15 سنة صاب سارة مرض خطير بس قالها الطبيب تقدر تتعالج اذا حسنت من حالتها النفسية ولكن ما طرأ أي تحسنفي حالة سارة والسبب طبعاً نكران فهد لجميلها ونسيانه لها نهائياً
وفي يوم من الأيام إشتد المرض على سارة وانتشر بشكل مخيف في جسمها ونقلتها أمها المستشفى بسررررررعة حاولوا الأطباء يلحقوا على سارةلكن المرض قضى عليها والتهم جسدها النحييييل وبقيت سارة الوردة المتفتحة سابقاً مجرد غصن متيبس لا أكثر وانتهت أحلامها إلى سرير أبيض في المستشفى التخصصي وهي تنتظر زيارة من حبيب القلب فهد أو يسأل عنها لكن فهد نسى عنده بنت عم اسمها سارة حتى جاء يومها واشتد عليها المرض جداً

مسك الله روحهــــــــــــــــــــــا .... وقبضهاوتوفيت سارة على سرير أبيض وكانت دائما كا تكرر كلمة "فهد"وفاءاً وإخلاصاً له واللي هو ما وفى حقها وما قدر حبها
وتوفيت سارة عن وصية كتبها لفهد وهي كالتالي:
بسم الله الرحمن الرحيم
ابن عمي العزيز.... فهد
اعرف انك لن تذرف دمعة واحدة برحيلي لكني والله ذرفت الدمع الغزييييييييييييير بحياتك
فهـــــــــــــــــــــــــــــد لقد مزقتني يافهد...قتلتنــــــــــــــي يافهد
سكنت روحي وقلبي لكنك ما قدرت اللي سويته لك كله ... فهد أنا ما أبغى أخرب عليك عيشتك ولكن....
انتبه ليتك.... وانتبه لزوجتك وهذي تحتها خطين يافهد..رب ابنائك على التقوى والصلاح بإذن الله لأنهم أبنــــــــــــائي واعتبرهم ابنائي لأنهم ابناء فهد
محبتك...سارة
قرأ فهد الوصية وقعد يفكر في كلمة" وانتبه لزوجتك وهذي تحتها خطين يافهد" ايش فيها لمياء؟
اكتشف فهد في الأخير خيانة لمياء له وانها كانت تتسلى به ايام شباب وهي اصلاً ماموافقه على الزواج إلا من إلحاح سارة فقط!!
فهد طلق لمياء ولكن بعد أيــــــــــــــش
بعد خسارة سارة ولمياء كلهم؟
وامضى حياته يدعي لسارة ويبكي لقبرها......................................النهاي ــــــــــــة
أنا ‘عرف إن البعض ما يحب هذي النوع من القصص بس أنا لما قرأتها فعلاً تأثرت وحزنت على سارة والله يصلحنا ويصلح شباب المسلمين آمين
وإن شاء الله تعجبكم

يلا ابي احلى ردود من احلى اعضاء المنتدى

زائر

يسلموووووولي اخوي ع الموضوووووووووووع الحلو

تسلملي اخوي خورفكااان ع المرووور الحلووو

وننتظر ردووود اعضاء المنتدى