ميلس بنا ت منتدى نهيان

بسم الله الرحمن الرحيم

السلام عليكم ورحمة الله وبركاته
::

أول شيء نحن من حقنا نطالب بمساحة من الخصوصية

وقوم حريموووه بو البنات

أوووووووت !!! وفوق الروغة بكس ع الراس..

والحينه أقدر ارمسكن ع راحتي

خواتي الغاليات يامرحبابكن

في ميلسنا

وو

ياهلابكن والف مسهلا..

ويامرحبابكن مليون وامثاله وإن تضاعف عليكن فلاباس

تستاهلن اكثر وزيادة..

* اقربن خواتي ..

في ميلسنا كل شيء متوفر وموجود

مشاءالله ميلسنا عود ويسدنا كلنا

.. فيه كل سبل الراحة..

* اهبشن الغاليات..

القهوة بارزة

والعصيدة تزقركن

والخنفروش مكود

* ياطويلات العمر.. بغيت

وحده منكن تفزعني واتقطع الفوالة

استريحن خواتي

الي تبا اتفيزر فالدعنه ياحياها..

والي تبا تقعد ع الغنفة بعد ياحياها..

خذن راحتكن على الأخر

محد اغريب اهنيه

* في ميلسنا بناقش كل شيء ايخصنا

في كل المجالات

مثل كيفية العناية بالبشرة والشعر

والأكل الصحي- والسعرات الحرارية

والتمارين الرياضية

والمشتريات النسائية

والذهب والألماس

والماركات.. والأسعار..

عن الثقافات والكتب المفيدة

عن احلامنا وطموحاتنا ومشاكلنا ..

اي وحدة ضايقة من شيء تفتح لنا قلبها

وإن شاءالله الخوات هب مقصرات..

وحياكن الله

حبيباتي

نحن أسرة وحدة

.. في بيتنا الثاني

منتديات نهيان دوت كوم

إن جان وحدة منكن عندها نصيحة ولا معلومة مفيدة

ولا اتعرف مكان يبيعون فيه شيء زين ولا آكلة ماعليها كلام...

او وصفه زينه بعيدة عن الكيماويات وتكون طبيعية ومجربة.....

لاتبخلنا علينا ..

والحينه بعد ماعرفتن طبيعة ميلسنا

بفتتح اليلسة

اممم

اشوه من الدخون تستخدمون ؟

عن نفسي

*استخدم الدخون الملكي يبيعونه في محلات ياس للعطور

ريحته تضرب فالراس اسميه شيء

كل من روحه فيه سالني عنه

وسعره حلووو 150 بس ..

- وعندهم تفج مال الصخام عجيب

بدون لا اتعبين عمرج واتلبقين ضو

سيدة حار بحار... اتولعين الصخام في اقل من ثانية

وسعرة 150 قبل لا اتكاسرينه طبعاً

( دعوة للي تحب المكاسر )

عن نفسي ماحب اي حد يستغلني

اموت قهر يوم اعرف انه في حد قص عليه فالسعر..

* وبخصوص مرش الفراش والحفه

فالرصاصي ايبعون مرش روعة

وريحته اطير العقل ...هههه بسم الله عليكن

وعلى عقولكن..

عندهم كمن لون الي اطريه لونه وردي من برع مرسوم

ع شكل دمعه

واسمه "أكــــوا"

* وبعد الرصاصي عندهم عرق الزعفران رهيييب..

* واستخدم للجسم بودرة المسك تراها ماعليها كلام

والمفروض مانفرط بالمسك

" يسد إن رسولنا الكريم كان يوصي بها نسائه "

اللهم صلي وسلم عليه ..

حبيباتي صلن على النبي ..

وشارتنه من السعودية عند عبدالصمد القرشي.. ..

* وجربت من عند اجمل للعطور مسك سايل شفاف

اشوه ريحته صدق خنينه من الخاطر..

طبعاً تاخذينه بالتوله

ياربيه ماحيده بكم

بس اظن التوله 70

والي تذكر السعر تفزعني

لاتستحن البيت بيتكن ودار داركن ..
واذا اي شي عندكن تبغن تحشن حشن عندكن تصريح مني ز
ز

والسموحه

خواتي الغاليات..

تسلميـ؛ـن الغلاْ على هالفكـ؛؛ـره الغاويه..ْ

وانشاءْ الله نلاقــي التفآاآعل بهالموضـ؛ـوع..ْ

يعطيج الف عافيه ولكم الخصوصيه

وسيتم تثبيت الموضوع

وتستاهلوون

ويسلموووو ميثاني

تسلميييييييييييييين انا افداج يالفلاسيه على المضوووع الحلو

فديت روحج والله تسلمين يالغلا عالمرور الطيب

يالله نبي نقاش

خخخخخ

مممممممممممم

خلوني ابدا انا

شو رايكم بالشعر القصير حلو ولا لا

بالنسبه لي انا دووم اقصه ودوم قصير

وحليله

خاطري اطوله بس ما اقدر

اذا حد يعرف وصفه اووكي خل يخبرني

خخخخخخ والله الصراحه ماعرف انا شراتج بعد كله اقص شعري عاده ما يوووز عنها

تسلميـ؛ـن الغلاْ على هالفكـ؛؛ـره الغاويه..ْ

وانشاءْ الله نلاقــي التفآاآعل بهالموضـ؛ـوع..ْ