قصه رووعه لاتفوتكم [[لجل ربّي أخلّي حبّي]]

السلام عليكم >>>>> اليوم يايبتلكم قصه أكثر من رووووووعه وان شاء الله تعيبكم
لجـــــــــــــــــــــل ربّــــــــــــــــــــــي أخــــــــــــــــلّي حبّــــــــــــــــي

شخصيات القصة : فطيم ، خالد ، علياء ، أم فطيم ، نورة ، ريم ، سارة ، حنين ، العنود ، شوق ، أمل

تحكي القصة عن فتاة توفي والدها وهي تعيش وحيدة مع أمها الطيبة الحنونة التي لطالما كانت تساعد ابنتها فطيم على تجاوز محنة وفاة أبيها والتي كانت لاترفض لها طلبا خشية أن لا تزعل أو أن تشعر بفقدانها لوالدها في بداية مراهقتها .

هذه الفتاة بالرغم من الذي حدث لها لكنها تسعى دائما الى أن تصل الى الدرجات العليا في الدراسة وأن تأتي لوالدتها بشهادة ترفع رأسها عاليا .

فطيم تبلغ من العمر الآن 18 عاما ، وعندما توفي والدها كانت في ال16 من عمرها أي في بداية مراهقتها .

والآن دعوني أبدأ بقصة فطيم التي ان شاء الله ستعجبكم ، وتبين لكم بأن الحياة الدنيا ليست لعب ولهو فقط ، بل هي في المقابل جد وعمل وتقرب من الله عزوجل وحبه وحده فوق كل حب جل وعلا .

البدايــــــــــــــــــــــــــــــــــــــــة :

]البـــــــــــــــارت الأول

أية قرآنية ، قال الله تعالى :" كل من عليها فان ويبقى وجه ربك ذو الجلال والاكرام ".

فطيم : آآآآآآآخ عليك يابوي ..خليتني ورحت ، خليتني فهالدنيا وحيدة ، خليتني وأنا بعدني ماشبعت من حنانك ، يارب صبرني يارب يااااااارب ...

أم فطيم تدق الباب : فطيم ، خلاص يافطيم ، يمه لا تعورين قلبي أكثر عن جيه ، والله قلبي خلاص ماعاد يتحمل ، أبوج راح عني ، منو بقالي غيرج يابنتي ، خلاص ارحميني كافي ، كافي تعذبين في نفسج وتعذبيني وياج .

فطيم : اميّه أبوي خلاص راح ، راح وخلانا "وتبتدي تصيح أكثر وأكثر " .

وعقب تدش عليهم اربيعتها نورة ...ونورة هاي من أعز صديقات فطيم وهيه واايد تعزها وبعد انسانه واايد طيبه وحبوبه وخلوقه .

نورة : فطيم .. بس كافي عليج لاتسوين فعمرج جذيه ، عالأقل حسي بأمج المسكينة ..الي تحبج وتخاف عليج ، شتسوين بعد هذي حال الدنيا ، مايبقى فيها غير وجه ربج سبحانه ، استهدي بالله وعيني من الله خير .

فطيم : لا اله الا الله ...محمد رسول الله

نورة : انتي وامج احينه مالكم غير بعض ، لاتقسين عليها جيه ، واحمدي الله سبحانه على كل حلوه ومره فحياتج .

فطيم تقوم وهيه تصيح وتسير صوب أمها وتحضنها وتبوس راسها وتقولها :

أوعدج ...أوعدج يمّيه اني راح أرفع راسج وانج انشاءالله مابتحسين بوفاة الوالد ، أوعدج يميّه ...وتحضنها وتصيح ..

البـــــــــــــــارت الثــــــــــــــــاني

ومرت الأيام ومرت ، وعقبها يابت فطيم الشهادة ، وكانت طالعه من الأوائل ، سبحان الله مع الي صار لها ، بس فطيم ماشاءالله عليها كانت قوييه وقدرت انها تتحمل صدمة وفاة أبوها وتتخطى هالعقبة ، وكانت أمها يووم عن يوووم تحبها أكثر وأكثر لأنها كانت مرظية .

وعقبها تخرجت فطيم ، وكانت أول سنة لها فالجامعة ، ودشت دبلوم ، ولما دشت الجامعه ابتعدت شوي عن اربيعتها نورة الي كانت وياها الرووح بالرووح ، تعرفون ليش لأنها من دشت الجامعة بدت تتغير وأسلوبها بدى يتغير من تعرفت على بنات السو ...صح هب كلهن ..بس يعني ، المهم تعرفون عااده الصاحب ساحب ، لو كان زين وأخلاقه عااليه بيجرك لهالطريج ولو كان شين ومافيه ذرة أخلاق مابنقول غير علينا العوض ومنا العوض .

وقبل أيام الامتحانات لا تبتدي كانت أم فطيم تحث بنتها على الدراسة واايد وتذكرها بأن الامتحانات جربت ومابقى عليها شي ، لكن فطيم وللأسف الشديد ماكانت تعطي أمها سالفه على هاذيج الأيام وماتهتم لرمستها ، وكانت الأم كلما يمر الوقت تحس بأن بنتها تبتعد عنها أكثر وأكثر .

وفي يوم من الأيام قبل بداية الامتحانات .

أم فطيم : يمه فطيم ..قومي ذاكري لج كلمه ، مابتفعج غير دراستج ، قومي الله يرضى عليج .

فطيم : يمااااه ..انتي بلاج مستويه حنانة الله يهديج ، انزين والله بقوم بس الوااحد لازم يستانس بحياته شوي هب كل شي مذاكره وبس ، تره والله مليت من هالنصايح .

أم فطيم : والله ماقول غير الله يهديج يابنتي ويبعد عنج عيال السو .

فطيم : هيه انزيين انشاءالله امييه " بلهجة سخرية " .

وعقبها بدت الامتحانات ، ومثل ماتعرفون فطيم مااهتمت كيف ماكنت تهتم قبل ، وكان عاااااااادي عندها انها ماتذاكر .

فطيم وهيه فالحجرة : أووووه ، شو ها بس لا والله مليت ، حشى مايسوى عليه ، افففففف ، خل أرمسلي عليووه أبركلي من هاليلسه واجوفها اذا اليووم بتظهر بظهر وياها ، والله ياحظها هالبنية محد يسألها وين رايحه ومن ويين يايه ، والله هالدنيا حظوظ قسمبالله خل أييب الموبايل ، وأتصل لها أبرك .

فطيم : ألو السلام عليكم ، يامرحبا الساع ، جيف حالج عليوه ؟؟

علياء : هلا وغلا ، الحمدلله يسرج الحال

فطيم : وينج دبووه أسأل عنج ؟؟

علياء : مويووده

فطيم : أقولج عليوه تره والله مليت من المذاكره ، والله لاعت جبدي قومي نظهر .

علياء : والله انتي الي مسويه فعمرج جذيه أونه تذاكرين ، أبوي خل المذاكره تولي عنج في أشياء اهم من المذاكره .

فطيم : انتي ايه مصدقه اني اذاكر ، أصلن انا مسويه عمري أذاكر عسب أميه ماتسوي لي محاضرة ... هههههههه

علياء : هههههههه ، أيوا تراج طلعتي لوتيه وأنا مادري !!!!!!

فطيم : احم احم .......خبرتج ياأبلة

علياء : ههههههههههههههههههههههههههههههههههههه

فطيم : انزين ها شو قلتي بتسيرين مكان ؟؟؟

علياء : امممممممممممممم ، مادري والله انتي شو تقولين ؟؟

فطيم : احينه انتي عندج السيارة والليسن وأونج مسوية سالفه ، وانتي جذابة تطلعين من وراااي ويااا ............. ولا خلني صاخه أبرك !!

علياء : فطيم .. جااااااااب ، انتي تره محد يقولج شي .

فطيم : عليوه ، والله اني خايفه عليج من الي تسيونه .

علياء : يااااااالله احينه خاايفه ، مادري منوي يرمس عن الحب والرومانسية .

فطيم : انزين أوكيه أنا ماقولج انه ماشي حب ، لازم يكون فيه حب بين الناس عسب الحياة تستمر ، بس انه الحب يكون بحدوده ، مب تسيرين تظهرين وياه !!

علياء : أقولج جب خلاص ، سدي السالفة وصكي هالمحاضرة ، تره عقب مافيه طلعة ..خخخ

فطيم : لا لا خلاص التوبة ، ع العموم أنا نصحتج وانتي بكيفج .

علياء : أحسن شي قلتيه فحياتج

فطيم : أحينه شو بتمرين عليه ولا لأ ؟؟!!

علياء : بمر وأمري لله ، بنسير المنار بنتسوق شوي ، وعقبها بنحاوط وبنتعشى وبنرد انزيين ؟!

فطيم: أوكيه خلاص تم ، يلا بسير أزّهب ويوم بتوصلين حذال البيت دقي هرن اوكيه ؟؟؟

علياء : أوكيه يلا بااااي .

فطيم : بااي

هذي كانت بداية دمار هالبنية "فطيم " أول شي دمارها بيكون فدراستها ، وعقبها تعتقدون لوين بيوصل ، خل نكمل القصة ونجووف .

البـــــــــــــــــارت الثــــــــــــالث

فــــــــــي المنـــــــــــــــــــــار

فطيم : الله وناسة عليوه خل ندش هالمحل ، والله شكله حلو ..شورايج ؟؟

علياء : ....................

فطيم : عليوه وينج ؟؟ أرمسج أنا جييه ما تردين؟ ، عليوه ..... عليوه

علياء : هاا ، ها الغالية بغيتي شي ؟؟!!

فطيم : أحينه أنا من ساعه أرمّس منوه ؟؟؟!!

علياء : والله سوري ماسمعتج ..

فطيم: المهم ، أقول شورايج بندش هالمحل ؟؟

علياء : امممممممم ، أوكيه ماعندي ماانع ، يلا بنا ياختي .

فطيم : يلا .

ودشوا المحل وعيبتهم أغراض واشتروا ، وعقبها ظهروا من المحل ، وهم قاعدين يتمشون ، كانوا شباب يتمشون وراهم ، وفطيم ماحست بهالشي ، بس علياء كانت كله تتلفت لورا وهيه مستانسة على هالشي ، مستانسة عسب جافت شباب يضحكون لها ويوزعون ابتسامات ، سبحان الله هذيله هم البنات ، مايصدقن وااحد يضحك لهن ، خلااااااص هذا يحبني ، ليش هذا كله ؟؟ ليش البنيه دايما تدمر نفسها من غير ماتقصد ، بس لأنها شو ، جافت واحد ضحك لها أو طرش لها رسالة ، الله يالدنيا ...... والله الي يعيش بها يجوف أكثر عن جيه ، المهم خل نرد للقصة .

فطيم : عليوه بلاج تصددين للورا ؟؟؟يابوي شوفيج انتي ؟؟

علياء : فطيم ، اسكتي عني لا ...

فطيم : لا والله ..أحينه عرفت شو السالفه ، شباب هاا ، ماشاء الله عليوه وجدامي بعد ، انتي تره محد يي وياج مكان !!

علياء : انزين .......انتي أحينه بلاج ، ماصار شي ، عااااااادي الدنيا حلوه .

فطيم : الدنيا حلوه ، عاااادي هاا ... انزين ماعليه عليوه ، تريي حد يي وياج مكان ، أقولج شي عطيني سويج سيارتج ، بس مابه أتسوق .

علياء : انتي ليش جيه مسويه ساالفه ، Take it easy !!

فطيم : لا Take it easy ولا غيره ، عطيني السويج ، ويوم بتخلصين من الي تسوينه بتجوفيني أترياج فالسيارة .

علياء : والله برايج ، ع العموم أنا مابتأخر عليج ، بخلص شغلي وبييج .

فطيم : الله والشغل عااده ، ابوي خليها على الله .

علياء : انزين أقولج لا تيسلين تسوين لي محاضره ، وهاج السويج .

فطيم : هااااااتي بوي ، يلا أترياج لا تحيّرين ، وبلا هالمصاخه الي قاعده تسوينها هنيه .

علياء : انزين بوي .....تراج سندرتينا .

فطيم : انزين ، انزين ، ماقول غير الله يهديج .

علياء : يهدي اليميع انشاءالله .

وعقبها سارت فطيم صووب الباركنات وركبت السيارة ويلست تتريا علياء ، وعلياء تأخرت عليها وااااااايد ، فعسب جيه فطيم دقت لها وقالت لها ان مايت بتسير بتكسي ، فعقبها يت علياء وهم فالسيارة .

فطيم : انتي شو ؟؟ ماتستحين عويهج تسوين هالحركات وجدامي بعد ؟؟!!

علياء : انتي ايه بلاج جيه مسويه ساالفه ؟؟

فطيم : خلاااص خلااص سدي السالفه ، ويلا نرد البيت تراني تأخرت .

علياء : أوكيه براايج .[/size]</STRONG>

:flower:

البـــــــــــــــــــــــارت الــــــــــــــــرابع

ردت فطيم البيت وجافتها أمها وسألتها عن سبب التأخير .

أم فطيم : فطيم يمه ويينج ، ليش جيه تأخرتي ، والله كنت أحاتيج ؟؟

فطيم : يايمه شووفيج الله يهديج ، بلاج مستويه حنّانه ، تراج جفتنيي ظهرت ويا عليوه ، وأحينه توني وااصله ، خل آخذلي نفس شوي .

أم فطيم : خلاص يابنيتي سيري ارتاحي فحجرتج والله يهديج .

فطيم : انزين أوكيه يلا بااي .

وعقبها سارت فطيم حجرتها توضت وقالت بتصلي المغرب وعقبها بتبتدي تذاكر ، لأنها تحس انه مذاكرتها طوووووووول هالفتره كانت خرابيط .

فطيم : أووووووووووه أحينه شو أسوي ..... والله حاله.. مذاركه مارووم أذاكرها ، شو هالعيازه الي فيني ؟؟!! عاااااادي لا مايهمني أصلا أنا شاطرة ومستواي أوكي فأكييد بييني الامتحان سهل ...وأنا اصراحه مخي هذا ماعليه كلام ...محد شرات هالمخ ...خلاص عيل خل أسير أرمس شواقة وأجوف سوالفها وأسمع أخبارها أبرك لي من هالمذاكره وصدعة الرااس .

طووووووووووووووط...طوووووووووووووط..طووووووووووووووط

فطيم : أخ لا ...وينها هاااي بعد ..جيه تيلفونها مقطوع ؟؟ أفا ليكون غيرت الرقم وماقالتلي ..لا صح هيه يتني الأسبوع الي طااف الكلاس بس أنا ماعطيتها سالفه عسب كنت مشغوله ارمس عليوه ..يالله ماعليه هب مشكلة ، عقب بسير آخذ رقمها وبرمسها ، امممممم انزين أحينه شسوي؟؟!! يابوي والله مالي بارض ع المذاكره ...هيه والله صح خل أسير أيلس ع النت " أحلى مكاااااان " .

ويلست فطيم ع النت من هاذيج اللحظة لين الساعه 11 فالليل ، وهيه تدش هالمواقع وتنزل بهالأغاني ، جنّه الدنيا مافيها غير نت وبس ، ولا جنّه عليها مذاكره وامتحانات ولازم تذاكر ، فطيم خلاص بدت تهمل هالأشياء وماتعطي سالفه للمذاكره ، يا سبحان الله عقب ماكانت تطلع من الأوائل ، أحينه خلاص كل شي بيضيع منها ، بسبت ربعها الي كانوا دايما يحثونها عالخراب والفساد .

وعقبها ، تعبت فطيم من كثر مجابل هالكمبيوتر وقالت خلاص داام انه الوقت تأخر خلاص خل أسير أرقد وباجر بذاكر هب مشكلة ، هالماده اصراحه وايد سهلة والأستاذ فالكلية يشرحها زين مازين وأنا فاهمه كل شي .

وسارت فطيم ترقد وخلت كل شي لباجر ... وبعدها يا اليووم الثاني وفطيم لأنها كانت سهرانه طوول الليل مارامت تنش الصبح وبعدها قامت فجأة روحها وجافت الساعة استوت 2 الظهر ..وهيه بعدها ماذاكرت شي ودشت عليها أمها فجأة ..

أم فطيم : فطييم ، انتي أحينه نااشه !! توج تقومين من الرقاد ، والمذاكره ياميه ليش جيه ، ليش يابنتي تبين تضيعين مستقبلج .

فطيم : هاااااا..شو السالفه بلاج اميه تسوين حشره ..توه الوقت بعده ..ماصار شي ..

أم فطيم : توه !! تقولين توه والساعه استوت 2 الظهر ، انتي شو ياسه تخربطين ... عاده حزتها الأم عصبت وقالت انتي لا مذاكره ذاكرتيها ولا كتاب يودتيه وبعد ترمسين .

فطيم : لا أمييه بلاج انتي الله يهديج ..أصلن أنا البارحه مارقدت ياسه أذاكر ، وسهرانه طوول الليل على هالكتاب .. والله حرام عليج امييه تظلميني جيه .

أم فطيم : انزين ياميه ..خلاص عيل قومي أحينه خلصي المذاكره كلها ..عسب فالليل ترتاحين .

فطيم : انشاءالله أمييه .

أم فطيم : خلاص عيل أنا بروح بزهب لج الغدا وانتي قومي تسبحي وصلي وتعالي ...وأنا أترياج فالصالة ..لين أحينه ماتغديت انزين أمييه ..

فطيم : انشاءالله اميه تامرين أمر والله .

وقامت فطيم ، وسارت اتسبحت وصلّت وصلت وسارت عند امها وتغدوا وعقبها ، دشّت حجرتها على أساس تذاكر ، أو عالأقل تيود شي .ولكن شو سوّت .

فطيم : أحينه شو أسوي ؟؟أزخ هالكتاب ولا ..ياربي عاادي لا أنا أعرف عمري ، أعرف أحل بدون ماذاكر شي .. امممممم، بسير أتصل حق أمل وباخذ منها رقم شواقه ... ترن ترن ترن ترن ترن .

فطيم : ألو السلام عليكم ، مرحبا الساع .. وشحالج ياحرمه ؟؟

أمل : ايه انتي هب حرمه أنا بعدني بنيه !

فطيم : هههههه، هيه صح توني أذكر انزين حلوو اشحالج ؟؟ شخبارج وينج مالج حس ؟؟

أمل : والله الحمدلله بخير ..بعد مشاغل الدنيا كثيره ، وتعرفين بعد أيام امتحانات ، ومحد منا يجوف حد ، هيه تعالي بسألج شو المذاكره وياج ؟؟أكيد صميتي الكتاب وبصمتيه بصم ؟؟!!

فطيم : احم احم ..فديتني والله ، أصلن انا شاطره حتى بدون ماذاكر ... ماعلينا هيه صح ، بتخبرج أموول عند رقم شواقه ؟؟

أمل : أحينه اربيعتج الروح بالروح فالجامعه وماعندج رقمها ، غرييييبه !! ، هيه صح ماتنلامين من عرفتي هالخراب ماقمتي تسالين عن شووق !

فطيم : خرااب !! منو تقصدين ؟؟ ليكون عليوه والله حراام عليكم ، والله انه هالبنيه فقيره ومايخصها بالدنيا ، بس عليها شوية حركات مالها دااعي ..بس هيه يعني من ناحية طيبتها وقلبها مافيه منه .

أمل : هيه صح صدقج ..ممممره اختييه !!

فطيم: لا صدق والله ..أحينه خلينا من عليوه يلا عااد عطيني رقمها ، تره رقمها اليديد هب وياي ماعرفه !

أمل : ايواا خلاص اوكي خذي الرقم **********

فطيم : يلا عيل الغاليه مشكوووووووووووره تعبتج وياي !

أمل : لا عاادي تعالي كل يووم .

فطيم : هههههه، حلوه هااي ، خلاص ماعليه يلا فداعة الله .

أمل : فداعة الرحمن .

وعقبها دقت فطيم حق اربيعتها شوق وبعد العتاب واللوم الي صار مبينهم ، اتصافوا وردوا شرات قبل حبايب ، بس يعني تقدرون تقولون من بعيد لبعيد ، هب واايد ويا بعض .

البـــــــــــــــــــارت الخامـــــــــــــس

ومر الوقت ، وفطيم كل ساعة تأجل وقت المذاكره وكان هذا آخر يووم وباجر ال exam ، لكن فطيم كانت كله تقوول انها بتفلح وبتييب احلى الدرجات ، ويا الليل وكلن ذاكر وسار يرقد الا فطيم ، كانت ياسه عالنت عقب سارت ع الساعة 11 ترقد وهيه موووووووول هب مستعده للامتحان بس تقول انها تعرف وبتحل زين حتى لو ماذاكرت ، واصلن هيه نفسيتها كانت شوي متوتره عسب أول مره ماتحب المذاكره جيه ، لكنها كانت تزيل هالتوتر ، وتقول ماعليه هب مشكله باجر يصير خير .

وطلع الصبح ، والexam لازم يبتدي من الساعه 8 بالضبط ، بس فطيم قامت ع الساعه 7.5 وكانت ميهووده حييل ومتلخبطه وتحس انها ماتعرف شي حتى قلبها بدى يدق من الخوف ، لا مذاكره ولا مراجعه ، ولا حتى بطلت الكتاب ، يالله هذي فطيم الي عرفناها في البدايه ... لا وألف لا ..هذي صوره ثانيه من فطيم وين بتوديها مانعرف.. خل نكمل أحسن .

دشت فطيم قاعة الامتحان وعطوهم الأوراق ....وفطيم كانت موول ماتعرف تحل شي الي تقول أول مره بحياتها تمتحن ...وماعرفت تحل شي فالورقه موووليه وضاع عليها الامتحان الي قالوا انه من أهم امتحانات الكورس والي على أساسه بيتحدد منو بيسير البعثه .

وعقبها ردت فطيم البيت وهيه مضايجه من نفسها ، وفي خاطرها تصفع كل من تجوفه بويهها ، حتى أمها الي هيه أمها مابغت ترمسها ، وفضّلت انها تقفل باب الحجره على عمرها وما ترمس حد مووليه .

فطيم وهيه فالحجره : أخييه ،شوهالحاله هيه ، والله شو ها ماحليت شي فالامتحان ، ولا فلحت فيه ، ولا سؤااال حتى ؟؟!! ياربيه كله مني ويرن موبايلها ورقم علياء يظهر .

علياء : ألو السلام عليكم .

فطيم : عليكم السلام والرحمه " بصوت خافت " .

علياء : فطيم بلاج عسى ماشر بلاه صوتج مستوي جيه ؟؟!!

فطيم : لا ماشر .... بس عليوه ماسويت زين في ال test اليووم ، اففففف والله تعرفين اني مضايجه .

علياء : حليلج .... اذا انتي ماحليتي شي ، عيل أنا شقول ؟؟ ورقتي بييضه ..فاضيه مافيها حل ،هههههههه .

فطيم : عليوه يلا عااد هذا مستقبلنا وأصلن بهالامتحان بيتحدد قبولنا للبعثه أو لا وأنا اجوفه ضااع علي خلااص لا شي مستقبل ولا دراسه ....هيهأ يافطيم ، والله طحتي ومحّد سما عليج !!!

علياء : خلاص فطيم ولا يهمج ، ودري هاكله عنج وانسي الامتحان ، جيه بووي مابتنتهي الدنيا جان ماسويتي زين فالامتحان ، فري ورا ظهرج لا .....

فطيم : هيه لا صدقج والله ... أنا حق شو مسويه مناحه ومكبره السالفه وهيه ماتسوى .

علياء: هيه هاي الشيخه فطيم الي اعرفها .

فطيم : ههههههه

علياء : انزيين شورايج بالي يظهّرج من الي انتي فيه ويغير جو الكآبه الي فيج .

فطيم : جان زيييييين .

علياء: أوكي عيل قوومي بدلي ثيابج ، وانا الحينه بخطف عليج وبنسير بنتمشى فالمنار.. شورايج ؟؟

فطيم : الله وناسه خلاص أوكي عيل .

علياء : خلاص عيل اخليج احينه وعقب نص ساعه بتجوفيني جدام باب بيتكم .

فطيم : أوكيك يلا عيل بااي .

علياء : بااي

لووووووووووووول

نبا تكمله وينها

تسلمين ع طرح القصه ونتريه الباجي

سي يا

:) ثانكس ع الرد

البـــــــــــــــــــــارت الســـــــــــــــــــادس

وعقبها سارت فطيم تبدل ثيابها وتزّهب وتتكشخ وسارت ويا علياء المنااار ... ولما كانوا ياسين فستار بكس ، كانوا يسولفون ويضحكون ، بس انه فطيم كانت محافظه على حدودها وانه مايخصها في حد ، وعقبها استوت نفس الحركه الي استوت فالبدايه وبدت علياء هيه وسوالفها .

ولما جافت فطيم علياء تسوي هالحركات عصّبت واايد وخاصه لانها كررت الحركه مرتين جدامها ولانها في نفس الوقت ماترضى ع ربيعتها تسوي هالحركات وانّه حد يقول عنها شي ، فودّرتها وسارت السياره ، وهيه تمشي صووب السياره ، طبعا كانت روحها ، جافت وااحد يطالعها بنظرات غرييبه ، فهيه في نفس الوقت استغربت من السالفه ، بس طبعا ما همها الريال وصعدت السياره ويلست تتريا اربيعتها ، والريال طبعا اختفى وهيه ماحسّت فيه ...

ومرت الأيام ومرت ، وعقبها كانت فطيم ياسه في غرفتها تنزل شوية معلومات من النت عن report الماده الي هيه بعدها ماسلّمته ، وهيه قاعده رن تيلفونها ، لو تعرفون منو ظهر عالرقم ، ظهر لها رقم غرييب ، استغربت فطيم

وقالت : شو السالفه رقم منو ها ، فكرت قالت يمكن وحده من اربيعاتي طلعت رقم يديد ، عقب قالت لاا اربيعاتي اصلن يووم يطلعون رقم يديد يطرشون لي مسج اول ، اممممم ، خلاص مابرد ، لانه طبعا مايستوي ترد على رقم ماتعرفه ، وعقبها بنّد .

وعقبها سارت تعشت ويلست ويا امها شويه وبعدين قالت بتسير ترقد لانها تعباانه ، وتوها بتدش الحجره ، سمعت تيلفونها يرن ، وطلع نفس الرقم ، استغربت وقاالت خل ارد يمكن وحده من اربيعاتي لا ...وردت

فطيم : تمت صااخه ...........

خالد : الو السلام عليكم

فطيم : ............بطلت عيونها ماعرفت شتقول ، وخاصه انه هالموقف يستويلها اول مره وعلى طووول قالت : أخووي غلطان وبندت عويهه .

كانت فطيم خايفه ومرتعبه لدرجه فظيعه ، وكانت حاسه انه اليووم بيستوي شي وانه هالليله ماراح تعدي على خير .

اتصل الريال مره ثانيه وطبعا فطيم ماردّت وتكرر الاتصال مره ومرتين و3 وعقبها وصل مسج ، فتحته فطيم ، وايدها كانت ترتجف من الرعب ، وقرت المسج " أختي فطيم ... اسمحيلي عالازعاج الي مسوينه بس صدقيني مادري ليش حسيت اني ابا ارمسج ..والسموحه منج "

عاده حزتها فطيم بطّلت عيونها وقالت : شو السالفه ، ياربي شو ها منوه هاا ؟؟؟ والله احس بشي فداخلي ..وعقبها فطيم بعد تفكير ردت عالمسج بمسج " منو وياي؟؟" فياها عقب مسج يقوول :" الي وياج انسان يحبج ويغليج ويحس بشي تجاهج واسمحيلي جان رمستي زايده عن حدها بس والله مارمت اني احبس رووحي وما اتصل لج "

وعاده عقب كل مسج والثاني فطيم كانت تنصدم وتنصدم ، وماكان في خاطرها غير تعرف منو هالريال ومن وين يايب رقمها ، وكيف أصلن يعرف اسمها ..

اصرااحه كانت حالة فطيم صعــــــــــــــــــــــــــــــــــــــبة جـــــــــــــــــــــدا .

وكانت كل المسجات الي مبينهم انه فطيم تقول منو وياي ؟ وخالد يطرش لها مسجات حلوة وحب وغرام ومعلومات انه هوه انسان يعرفها ...وفطيم آخرتها طرشت " لو سمحت بتقول منو انته ولا لأ؟؟" وحزتها محد طرش لها شي وماوصلها أي مسج وكان هذا نص الليل وهيه حليلها كانت تعبانه وقلقة وااااايد وآخرتها سلمت الأمر لله وطاحت عالفراش ونامت .

وعقبها اليوم الثاني ، قامت فطيم من الرقاد ، مع انها اصراحه ماكانت راقده ، كانت شبه رااقده لأنها كانت وااايد تفكر بالسالفه الي استوت البارحه ، وقامت سارت توضت وصلت ، وعقبها تريقت وسارت الجامعه عسب تسلم الreport حق المس في الجامعه وتسلم ع البنات بعد وترد البيت لانه امتحاناتهم خلصت ومابقى لها غير الreport .

ويووم ردت البيت كانت فطيم سرحانه واايد وتفكر بالسالفه وترمس عمرها وتقول : يالله والله اني خااايفه ... ياربي والله ماسوّيت شي ، من وين طلعلي هذا ؟؟ من وين ؟؟ أنا ناقصه هموم ومشاكل احينه ، يارب ارحمني ياارب ، وفجأة انصدمت بأمها !!!!!

أم فطيم : فطيم !!!بلاج يابنتي شوفيج ؟؟ليش جيه سرحانه ؟؟؟

فطيم : هاااااااا !!! لااميه ولاشي ......سلامتج .

أم فطيم : خلاص يمه قومي سيري صلي الظهر وتعالي نيلس شوي نعدل البيت عسب عمامج وحريمهم يمكن يييونا البيت احينه .

فطيم :اشووووووووه !!!أحينه ؟؟؟

أم فطيم : لااا ، هب احينه بس يمكن قوولي ع أذان العصر بيوصلون ، تعرفين بعد يايين من قطر .

فطيم : أهاا ، خلاص ماعليه يااميه بخليج احينه .

أم فطيم : الله يحفظج يمه .

البــــــــــــــــــــــارت الســــــــــــــــــــــابع

ولما دشت فطيم الحجره ، عينها على طوول سارت صووب الموبايل ، لأنها كانت مخليتنه في البيت ، عسب محد يطرش لها مسج أو يتصل جدام اربيعاتها وتستوي ساالفه ، وسارت فتّشت الموبايل جافت مسجات بالهبل تترياها ..وطبعا كانت كلها حب وغراام من الأخ خاالد ...

تنهدت تنهيده عوووووووده وعقبها سارت وخلصت شغلها وودرت الموبايل وخلته ع ينب ، وبعدها يو عيال عمامها ، وعلى فكره عيال عمامها كلهم يهاالوا " أحســــــن شــي " لوووووووووووووووووووول ..

ويلست وياهم وتموا يسولفون وهيه كانت وااااااايد تحب اليهال تموت عليهم فلعّبتهم شوي وعطت كل وااحد فيهم كاكاو وحلاوه ، وطبعا اليهال يستانسون على هالأشياء .

فطيم : حمود حبيبي حمود ... حمود حبيبي ، قووم اقعد من النومه ياأحمد حمادي ...

" تلعب ويا ولد عمها الياهل محمد" .

وهوه حليله كان واايد مستانس ومرتبش ويا الأخت ، وطبعا فطيم ماكان فيه حد مايحبها لأنها كانت واااااااايد طيوبه وتحب الكل وماترضى على واحد فيهم .

ولما استوى فالليل ، يلست فطيم تفكر ويا عمرها وتقول : ياربيه انزين أنا أحينه أبا أعرف شو السالفه ، منوه الريال ؟؟ وكيف يعرفني ويعرف هالمعلومات عني ... مافيه غير اني أتصل له ، أووووووووه شوهالحاله ، والله اني متلخبطه ... وآخرتها طرشت له مسج " أخويه أنا ماعرف انته منوه بس ممكن نتفاهم وتخبرني انته من وين يايب رقمي ، وشو سالفتك ، وانه هذا كله يكون بالمسجات بس !!!

جان يطرش لها خاالد : " فطيم .. أو بالأحرى اختي فطيم ، اذا تبين تعرفين هذا كله أنا ممكن أخبرج اياه ، بس انه مايكون بالمسجات ، يكون وأنا أرمسج شورايج ؟؟

استغربت فطيم ، وكانت محتاره واايد : " صه ، شو هالورطه الي ورطت عمري فيها ، ياربيه أنا الطمطمه لازم أطرش مسج وأسوي سالفه نص الليل تعرف شي مابرد عليك ، انقع مناك ...وطنشت الموضوع ، وعقبها طرش لها خالد مسج وقال فيه : " اخت فطيم دام انج ماتبين تردين علي عيل اسمحيلي أنا اصراحه ماراح أقولج شي عن السالفه ، ولاتحرميني من اني ماأطرش لج مسجات ، والسموحه منج ".

فطيم : شوها يتمصخر علي ولا شو ؟؟؟ هذا شو جايفني جدامه ، وحده ماستحي عويهي عسب أرد عليه ، والله تخسي الا انت أرد عليك ....خااايس واحد ......وسارت ترقد ، هيه صح وقبل لاترقد حطت الموبايل عsielent عسب ماتسمع حشرة الكووولز .

ويا اليوم الثاني ، ويت حزة الليل ، وكالعاده مسجات تتريا فطيم فالحجره ...حزتها فطيم قررت انها ترمسه ، ولكن انه كل شي يكون بحدوده وعلى أصوله وانه محد يتعدى على حدود الثاني ، اتصلت وقالت :

ألو ..السلام عليكم أخوي " وبدت الرمسه بأخوي عسب انه مايكون شي مبينهم من البدايه ، رد عليها خاالد : وعليكم السلام ورحمة الله وبركاته ..اشحالج فطيم ؟؟

فطيم : لوسمحت لا تقول فطيم اسمي فاطمه !!! "معصبه "

خالد : بس ظاري الكل يقولج فطيم ، يعني هيه ردت علي أنا !!! الي أحبج وأغليج !!

فطيم : نعااااااااااام ، تخسي الا انت ..انته ايه أنا مارمستك عسب شي ، لاابويه أنا أبا أعرف شوسالفتك وببند !! " راوته العين الحمره " .

خالد : انزين انتي بلاج محرجه جيه ، شوي شوي عن تاكليني بس !!

فطيم : "استحت من نفسها لانه صوتها كان واايد عالي ، وعقب ردت عليه : انته مايخصك فيني يلا عااد ممكن تقولي من وين تعرفني وشو سالفتك ، وشو تبا بالضبط ؟؟

خالد : أبا أرمسج ...خاطري أعرف عنج كل شي ..صح اني اعرف ، بس بعد أبا أعرف عنج كل شي ، دخيلج لاتحرميني من صووتج ...والله ماتعرفين شكثر تعبت لين ماخذت رقمج .

فطيم : انته منوه عسب تقولي هالرمسه ،مالك الحق أصلن ، وانته من وين يايب رقمي ؟؟؟

خالد : كل هالأشياء هب مهمه عندي ، أهم شي اني أحبج وارمسح .

فطيم : لا والله ....احلف انته بس "بلهجة سخره "

خالد : لو سمحتي لا تستهزئين بمشاعري ، أنا هب لعبه عندج ! " أونه عصب "

فطيم : حست انها سوت شي غلط يووم اتمصخرت عليه ، ولكن عقبها ، استوعبت انها ياسه ترمس وااحد ، غريب عنها ، مايصير لها شي وفجأة وبدون مقدمات .

فطيم : يلا فمان الله والسمووحه منك .

خالد : دخيلج فطيم ، أنا أحبج ، لاتودريني ، والله اني مابه منج شي ، وربي شاهد علي .

فطيم : لوسمحت ، انته الي دخيلك ، خلني في حالي ، وأترجاك لاتتصل على هالرقم مره ثانيه وسكرت الخط ......

وعقبها يلست فطيم تفكر ويا عمرها وتقول : معقووله أنا فطيم أرمس واحد ، معقوله أنا فطيم الي اميه ربتني أحسن تربيه أسوي جيه ، بس والله هب مني ، والله اني مجبووره ، والله اني كنت مجبوره ...

بس والله انه أسلوبه أسلوب ريال مايبا يلعب ، وصوته مايدل على شي هب زين بالعكس صووته واايد مؤدب ، أحينه أنا شبلاني جيه ؟؟

شو مستوي عليه .. بس عااده فطيم اصطلبي وماعليج من هالخرابيط ، وااحد رمسته ، وخلصت السالفه ... ورقدت .

اليوم الي عقبه الصبح :_

فطيم وهيه تتريق : آآخ والله انه صووته عذااب ..ياريتني رمسته وعرفت شو السالفه ...أوهوووووووو علينا بس عااده ، والله مايسوى عليه هالريال اتصل بي .

ومرت الأيام ، وفطيم دايما كانت تفكر فيه وماكان يرووح عن بالها موووليه وكانت دايما تتمنى انه الزمن يرجع لورا وانه خاالد يتصل " طبعا هيه ماتعرف اسمه "

بس شو تسوي فقيره محد اتصل ، من الهزبه الي يته هاياك اليووم وهووه مايتصل ...

وفجأة لما كانت ياسه فالصاله ، سمعت موبايلها يرن ، عاده هالساعه سارت فطيم وهيه تركض تبا ترد عالموبايل ، ولما وصلت جافت الرقم ، كان رقم خالد ، مع انها كانت معصبه من السالفه في البدايه ، لكنها لما جافت رقمه استانست وااايد وحست انه الدنيا ومافيها ملكها ...

فطيم : أحينه شو ؟!!! أرد ولا ماأرد ...برد لا والي فيها فيها .

خالد : ألو مرحبا

فطيم : مرحبتين " وهيه ماتعرف شو تقول متلخبطه "

خالد : اشحالج ؟؟

فطيم : بخير ربي يعافيك

خالد : شو الدراسه ويااج ؟؟ ولا صح انتوا أجزتوا صح ؟؟

فطيم : هيه صح !!

خالد : اسمحيلي ع الحشره الي سويتها لج الفتره الي طافت !!

فطيم : لاعاادي حصل خير

خالد : ...........................................

فطيم : ..................................................

جنه خلصت السوالف ، وعقبها بدوا شوي شوي يرمسون ويطلعون سوالف وتموا يرمسون لين الساعه 6 الفير.

سبحان الله البارحه كانوا يحتشرون وعقبها هوه اتصل ، وعقبها ما عرفوا شو يقولون ،و آخرتها يرمسون لين الساعه 6 الفير .

زائر

يعطيج الف عافية اختي ع الفصة

البــــــــــــــــــــــــــــــارت الثــــــــــــــامـــــــن

ومرت الأيام ومرت ويا يوم وفطيم كانت ترمس فيه خالد

فطيم : بسألك خالد ؟؟

خالد : اسئلي

فطيم : انته من وين يايب رقمي ؟؟

خالد : اممممم ، لازم تعرفين ؟؟

فطيم : هيه لازم ...

خالد : واذا ماخبرتج ؟؟!!

فطيم: ببند ع ويهك ومابرمسك ...لأنه هالسؤال أنا من متى فخاطري بس صابرة وأقول مابسأل ...بس اصراحه أحينه أبا أعرف ...ممكن ؟؟

خالد : هييه ممكن ..أفا عليج ماطلبتي شي .

فطيم : تسلم ....يلا قوول

خالد : اوكي ..تذكرين هاياك اليووم يوم كنتي طالعة فيه من المنار ؟؟

فطيم : أي يووم ؟؟ انا في الفترة الأخيرة واايد سرت المنار ؟؟

خالد : هاياك اليووم ...يوم جفتيني

فطيم : اشووووه ؟؟!! جفتك ؟؟ أنا جفتك ..ليش أنا متى أعرفك عسب أجوفك ؟؟!!

خالد : بلاج حرجتي شوي شوي انزين !!

فطيم : أخوي خالد ممكن تقولي انته من وين طلعتلي تره أعصابي والله بدت تفلت .

خالد : ياحرمة ..أنا هاياك الريال الي يلس يطالعج وانتي تركبين الموتر ماتذكرين ؟؟

فطيم : "تبلّمت وماعرفت شو تقوول " هااا ...شو ... انته..." تقول فنفسها " : وابووووووووووووووي رحت فيها

خالد :فطيم بلاج ؟؟

فطيم : لاماشي ...انزين ممكن احينه تخبرني .....الرقم من وين يبته ؟؟

خالد : الله يسلمج من اربيعتج !

فطيم : اربيعتي !! أي ربيعة ؟؟

خالد : علياء

فطيم : نعااام ..يعني انته من معارف علياء ...خلصت منك واحينه بتفرك عليه ؟؟

خالد : لا هب جيه السالفة !!

فطيم : عيل ؟؟شو السالفه ..يلا عااد قوول

خالد : الله يسلمج ، انا بقول السالفه بس ماباج تعصبين ، أوكي ؟؟

فطيم : أوكي ، يلا قوول ..

خالد : هااي اربيعتج علياء ، صاحبة السيارة الي كنتوا راكبين فيها صح ؟؟

فطيم : هيه صح

خالد: انزين ، أنا عاده خذت الرقم ، وبمصادري الخاصة طلعت صاحبة السيارة واسمها ورقمها ، وعقب بالصدفه عرفت انها تعرف وااحد من ربعي فطلبت منّه يسالها ، وسألها ، وعطتني الرقم ودقيت لج وخلصت السالفه .

فطيم : هااااااه !! هذا كله يستوي وأنا آآخر من يعلم ، والله اني استويت شرات الأطرش في الزفه

خالد : لا حااشااج

فطيم : ..........

خالد : انزين وبعدين

فطيم : ولا أبلين أقولك أخ خالد انا بسير أرقد أحينه تعبت من الرمسه ، يلا بووي حياك الله

خالد : خلاص ماعليه هب مشكله ...فمان الله الغاليه

فطيم : فمان الكريم

وسارت فطيم ترقد ، وكالعاده ماياها رقاد من التفكير وتجليب المخ ، جنه خاالد سرق النوم من عينها ، ويعني رقادها كان موووووول متقطع ، وحتى أيام كانت تقوم فيها ع الساعه 3 فالليل ..بس جيه !!ماتعرف شو تسوي " مخها انشل من التفكير " ومره وهيه راقده او قبل لا ترقد .

فطيم : الله يغربلج ياعليوه جان انج سبب تعاستي ، يعل ابليس ياخذج ، الله يغربل الساعه الي عرفتج فيها ، والله ماجذبت فيج أمل ورن الموبايل وطلعت علياء :

علياء : ألو السلام عليكم

فطيم : عليكم السلام " حاولت انها تمسك اعصابها وماتقول شي وتجوف علياء شو تقول "

علياء : اشحالج يالدبه ، جيه ماتدقين ؟؟ هااااا منو ماخذنج عني " وبدت تلمح "

فطيم : منو يعني بياخذني عنكم ؟؟

علياء : ماندري عااده ...يلا قولي قولي شوالسالفه وينج الفتره الي طافت " وتبا تسحّب منها الرمسه "

فطيم : "بدون مقدمات " انتي مايخصج !!

علياء : " استغربت " ليش عااده هب رفيجة عمرج انا ...... والي أعزج وووايد وأحبج ..

فطيم : هيه صح " بلهجة سخريه "

علياء : فطيم أانا اعرف شو الي فخاطرج تره " تبا تضللها "

فطيم : شو في خاطري يعني ؟؟!!

علياء : فطيم ...بقولج اياها بصراحه ..خالد غير عن كل الشباب ومايخصه بسوالف المغازل ....واسئليني أنا

فطيم : وبعد لج عين ترمسين ؟؟!!

علياء : فطيم .. اسمعيني للآخر عقب انتي وضميرج ..أنا مايخصني فيج

فطيم : ارمسي ..قولي الي عندج مع انه ماراح يغيّر شي .

علياء : فطيم ... أصلن السالفه ومافيها انه خاالد يحبج ويغليج واايد من يوم جافج هاياك اليووم ..وصدقيني خالد غير عن الرياييل كلهم ، وأصلن هوه قال انه يبا يخطبج .

فطيم : يخطبني !!حلوه هااي ، وليش عيل ماخذ رقمي ، شو هوه مايدل باب بيتنا ، جان مايدله خبريني انا بدله ، ولا ليش انتي موجوده !!!

علياء : أنا اصراحه هالسوالف كلها ماعرفها " تبا تقطع السالفه " بس كل الي أعرفه انه هوه يحبج واايد شرات ماقال ويبا ياخذج .

فطيم : اهااا .. وايد زين اصراحه ، ع العموم أنا بسكر أحينه وتمنى انج ماتتصلين علي انزين .

علياء : ليش فطيم والله حرام عليج .. انا ما يخصني ، والله ماكنت أبا لج غير كل خير

فطيم : الخير الي بيي من عندج ماباه ...الله يغنيني عنه .

وسكرت الخط ، ويلست فطيم تفكر ويا رووحها وتقول : ياارب شو الي يستويلي ؟؟!! ليش هذا كله .. ليش انا بالذات ؟؟ يعني لو يباني بالحلال جان دق باب بيتنا وخطبني وخلصت السالفه .. ليش هالحوسه كلها ...ماقول غير الله كريم ...

حلو حلو

نبا تكمله بوي

البـــــــــــــــــــــــــارت التــــــــــــــــــــاسع

ويا هاليووم .. وصل هاليووم الي كان بداية دمار فطيم ..هاليووم الي حدد مصيرها ويا خااد ...هاليووم الي ياريته ماوصل ...نجووف فهاليووم شو استوى ؟؟؟؟

ع الساعه 3 الظهر ، لما كانت ام فطيم بتظهر بتسير بيت ييرانهم ، محد بقى فالبيت غير فطيم ، ومثل ماخبرتكم هذه كانت أيام اجازه .

فطيم : والله خاطري أرمسه ...أحس انه في شي بداخلي قاعد يهزني ..فيه شي يرعشني ...والله خاطري أصييح ..ماعرف شو فييني ..والله احس انه شعور داخلي بدى يتملكني ..ماعرف شوهوه ..بس هوه لخالد ..صدقوني لخالد ..

وكالعاده رن الموبايل ، وبالفعل كان خالد مثل ماحست فطيم وردت وماتعرف ليش ردت بس كان خاطرها تسمع صوته " خلاااص البنيه شكلها تعلقت "

خالد : ألو السلام عليكم

فطيم : عليكم السلام والرحمه

خالد : اشحالج فطيم ..عساج طيبه ؟؟

فطيم :الحمدلله بخير انته اشحالك ؟؟؟

خالد : دامــــج بخـــــير أنــــــا بــــــــــعد بخــــــــــير

فطيم : ......................" لاتعليق "

خالد : فطيم ..ليش ماتردين علي ....والله حرااام الي قاعده تسوينه ...انا ماحيدني أذيتج بشي

فطيم : خالد ؟؟

خالد : هلا

فطيم : انته شو الي تباه بالضبط ؟؟

خالد : أبا اخطبج

فطيم : ............... " استحت أو بالأحرى تلخبطت وفي لحظه اذكرت اربيعتها نوره ، وتمنت انها تكون وياها ، مادري ليش ؟؟؟؟؟

خالد : فطيم انتي وياي ؟؟

فطيم : هيه هيه ويااك ..انزين ودامك تقول تبا تخطبني ، ليش ماتقصر السالفه وتيي تخطبني ، ليش هالدوره كلها ؟؟

خالد : يعني اذا بييج بتوافقين ؟؟

فطيم : هاااااه

خالد : سألتج سؤال ..وأباج تردين علي ..اذا بييج بتوافقين ؟؟

فطيم : ماعرف

خالد : شو؟؟

فطيم : هيه بعااد شو .. انسان ماعرف عنه ولا شي ..بس اللهم جفته مره وبالصدفه وأصلن ماعرفه اذا جذاب ولا صادق وياي ، وبعد تسألني بتوافقين ولا لأ ؟؟

خالد : اصراحه انا مافيني عيب عسب انج ترديني او انج ماتوافقين علي ، ماشاء الله علي كل البنات يتمنوني " وهوه يضحك "

فطيم : وااثق بعد ماشاء الله

خالد : هيه نعم

فطيم : جوف دام انك زين وتقول انه مافيه منك ..ماظنتي اهلي بيرفضونك ولا بيردونك صح ولا ؟؟" وهيه تحاول تستفزه "

خالد : مافيه انسان ماغلط ..ونا ماقولج اني شريف مكه ..يعني انا انسان اهم شي عندي اني اخاف ربي واصلي ، هذا اهم شي عندي واني مقتدر

فطيم : تخاف ربك ....... وياي ترمسني ..... والله حاله !!

خالد : ليش شوفيها يعني ؟؟

فطيم : تسألني شوفيها !!! ترمس بنيه وهيه ماتعنيلك شي .. لا انها اختك ولا حرمتك ولا تقرب لك حتى

خالد : مبلى انشاءالله حرمتي .

فطيم : ................... " ماعرفت شو ترد بس قالت : يصير خير

خالد : فطيم انا أحبج واايد وماريد أستغنى عنج ومع اني مابه اقص عليج صح اني قبل رمست واايد بنات غيرج ..بس صدقيني انتي غيرهن ..انتي غيرهن ..جفت فيج الي ماجفته فيهن ...وأحس انج فوقهن كلهن ..فطيم دخيلج لاتستغنين عني .

فطيم : "حست بشعور غريب " وتمت صااخه

خالد : فطيم ؟؟؟

فطيم : نعم

خالد : أباج تكونين لي وماباج تكونيين لغيري ..الله يخليج حسي فيني والله ماروم مافكر فيج .

فطيم : الله كريم

خالد : فطيم ..شورايج اني أخطبج ؟؟

فطيم : ايه انته شو قااعد تقوول ؟؟

خالد : شوو ؟؟ماحيدني قلت شي غلط !!

فطيم : شو تخطبني انا بعدني صغيره توني مادشيت 20 ، وانته ترمس عن خطووبه وزواج يابوي استح عويهك

خالد : انزيين هب مشكله ، بخطبج احينه عسب احجزج وعقب العرس ؟؟

فطيم : لااسمحلي ...أنا احينه مافكر بشي اسمه زواج ، واذا انته تباني صدق اتريا عليه شوي

خالد : والله حراام عليج الي قاعده تسوينه

فطيم : الحرام فيما حرمه الله

خالد : لاتستوين لي مطوعه احينه

فطيم : لامطوعه ولا شي ، بس هذا هوه بعد شو ، أصلن احمد ربك اني أرمسك

خالد : انزيين مشكوووووره والله تكرمتي عليه بهالشي .

فطيم : العفو

خالد : انزين وشو اخبارج بعد ؟؟

فطيم :ماشي أخبار ........انزين خالد أنا بخليك أحينه عسب أخاف اميه تيي

خالد : خلاص الغاليه هب مشكله ...يلا فداعة الله

فطيم : فداعة الرحمن

خالد : فطيم ..فطيم

فطيم : أقولج فطيم ممكن أرمسج اليوم فاليل ؟؟؟؟؟؟

فطيم : هااااااه ويلست تفكر

خالد : ممكن ولا ؟؟

فطيم : انزين مايحتاي ترمسني !

خالد : لايحتاي .....وبتصلبج أنا ، جان رديتي حياج الله ..وجان مارديتي الله يسامحج .

فطيم : انزيين خلاص يلا حياك الله

خالد : الله يحييج ..يلا مع السلامه

ولما بندت فطيم الخط ، كانت وااايد مستانسه ، على شو ماتعرف ، بس كانت تحس انه السعاده كلها يايتنها على طبق من ذهب ، وتحس انها أسعد انسانه بهالكون كله .

ولما حان وقت اتصال خالد ، كانت فطيم تتريا على أحر من اليمر ، ياسه على شبريتها وتتريا وتتريا ، مع انها قالت له لا تتصل .....بس شنسوي بعد ؟؟؟؟!!

ورن الموبايل ولما جافت فطيم الرقم ، اتشججت من الوناسه ، وردت ع الموبايل هقب ماخلته يحترق من كثر مايرن .

فطيم : السلام عليكم

خالد : عليكم السلام والرحمه ...اشحالج فطيم ؟؟

فطيم : انا الحمدلله بخير انته اشحالك ؟؟

خالد : والله تمام ، وكملوا رمستهم كالعاده وطبعا لين الساعه 4 الفير وعقب ..

فطيم : هب شكله بيأذن أحينه ؟؟؟

خالد: تقريبا

فطيم : انزين يلا سير توضا وصل

خالد : انشاءالله الغاليه

فطيم : خلاص اوكي سير صل وعقب رد البيت ارقد ، عسب طوول الليل وانته سهران

خالد : عشــــــــــــانج كـــــــل شــــــــي يهـــــــــــون

فطيم : ..........."صاخه" خلاص انزين يلا فمان الله

خالد : فمان الكريم الغاليه .

:evil:

عندي سؤال , :scratch: ,,ليش يعني تنزلين بار وتوقفين تحبين تلعوزيني يعني ,,الله يسامحج :roll:

نزلي كامل خلينه نقراها مره وحده

مشكوووووووووورة و ما تقصرين عالقصة

و نتريا البارتات اليديده اذا في

و بالتـــــــــــــــــــوفيق

تحياتيــــــ

ههههههههههههههههههههه حليلك سولجا هميتني والله بس شسوي مايصير ،،،،عسب أشّوقكم :lol: خخخخخخخخ
ع العموم مايهمكم بنزل البااجي وانشاءالله تعيبكم

البـــــــــــــــــــــــارت العــــــــــــــــاشر

ومرت الأيام ومرت ، وكانت فطيم ترمس خالد كل يووووم ، وماتعودت انه المكالمات تنقطع مبينهم ، بالعكس كانوا كل مالهم يتقربون من بعض أكثر وأكثر ، ومع انه فطيم تحس انها خلاص بدت تحبه وتتقرب منه أكثر وأكثر وانه شال مكان كبير فقلبها ، بس هيه كانت تيود عمرها وما تقوله هالكلام ، ولاكانت تبين له هالشي ، لأنه مثل ماتعرفون لازم كل شي يكون بحدوده ومايزيد ولا كل شي بيضيع وبيخترب ، وفطيم كانت من النوع الصبووور ، كانت وايد صابره على هالعذاب الي عايشه فيه وعلى حبها لخاد الي بدى يتمكن منها .

ومره من المرات فالليل اتصل لها خالد ، وهيه هالمره ماردت وقالت انها تبا ترمسه بالمسجات وبس ، وطرشتله

"خالد ..ممكن أرمسك بالمسجات ؟؟" وطرشلها :

"ليش يعني شو الي تغير ؟؟" وطرشت له :

"ولاشي ..بس يعني جيه أحسن " وطرش لها

"اوكي"

(تره ها كله بالمسجات عفكره)

فطيم : " اشحالك وشو أخبارك ؟؟"

خالد : " الحمدلله انتي شعلومج ؟؟"

فطيم : "والله زينه تمام "

خالد :" انشاءالله دووووم "

فطيم : " تسلم "

فطيم : "خالد ممكن سؤال ؟؟"

خالد : "اسئلي"

فطيم : "خالد يعني انا مووول ماعطيك سالفه وماأقولك كلام حلو ، فليش انته متعلق بي وتباني دامني ماسوي سالفه ؟"

خالد : " تره هذا الي مخليني أحبج وأتعلق بج زوود "

فطيم مافهمت سو كان يقصد وطرشت له : " انزين خالد شورايك تيي وتخطبني وتفكني من هالصدعه ؟؟"

خالد : "هذا هوه الكلام "

فطيم : أويه هذا ليكون صدّق وطرشت له :"لا خالد انا كنت أسولف وياك "

فهاللحظه عصب خالد وطرشلها :" لو سمحتي هالسوالف مافيها مصخره وانتي الي تبينه بسويه جان تبين زواج او خطوبه الي يريحج أنا بسويه "

فطيم : " انزين انته بلاك عصبت انا والله كنت أسولف؟؟!! "

خالد : "ماعصبت ولاشي بس انتي هب راضيه تحسين انه فيه انسان شارنج ويحبج ويباج ........ أقولج فطيم انا بسير أرقد أحينه ، لاني ماحب أكتب واطرش مسجات بالمرررررررره بس عشانج والله ، يلا تامرين على شي ؟؟ "

فطيم : "سلامتك يلا تصبح على خير ."

خالد : " وانتي من اهله ربي يحفظج "

وكل واحد فيهم سار يرقد ، مع انه اثنيناتهم ماياه رقااد ...

ومرت الأيام ومرت ويا الوقت الي تظهر فيه النتايج مالت الامتحانات ، ع فكره تذكرون هاياك الامتحان الي فطيم زفتت فيه وماعرفت شو تكتب فيه بسبت لعبانها ، أحينه بتظهر النتايج والله يستررررررررررررررررر ....

فطيم : ألوووو !!

امل : حشى بلاه صوتج أميه شوها ؟؟

فطيم : أموول والله هب ناقصتنج انتي بعد ..روحي تعبانه وهب راقده وانتي ياسه تسوين حشره من صباح الله خير ؟؟

أمل : أي صباح ويا ويهج ، الظهر قرب وانتي تقولين صباح وياراسج ، قومي ايه بسج رقااد النتايج اليووم ياهبله !!

فطيم وتنقز من مكانها : هاااااااااااااه شو تقولين ؟؟ نتايج أي نتايج ؟؟!!!

أمل : الله يغربلج مال هالكورس ياذكذك !!

فطيم : اشووووووووووه ، غربلات بليسج ..والله اني زايغه شو هالحاله والله اني خايفه .

أمل : ليش شو مستوي ؟؟

فطيم : تره امتحان .......... ماسويت فيه أوكيه ، أي ماسويت فيه أوكيه قولي اله ماحليت شي !!

أمل : نعاااااااااام ..!!ليش بووي هب من عوايدج ؟؟

فطيم : كله من عليووه ..الله يغربل الساعه الي عرفت فيها هالبنيه

أمل : حذرتج منها بس انتي الله يهديج ، بس زين انها يت عالدراسه هب على شي ثاني ..

فطيم : هع .......هيهأ شي ثااني ...... شقول بس الله كريم ..

أمل : فطيم : بلاه صوتج اتغير ؟؟!!

فطيم : لا لا ولا شي ، انزين أقولج أموول ، أنا احينه بقوم وببدل ملابسي ، ممكن تمرين علي ونسير الجامعه ويا بعض ؟

امل : تامرين أمر والله ، وبالمره نسلم ع شواقه والبنات !

فطيم : هيه والله صدقج .. تعرفين متوله عليهن وااااااااااااايد .

أمل : خلاص عيل الغاليه أخصل وألبس وأييج انزين

فطيم : خلاص ماعليه يلا فمان الله .

ويت أمل حق فطيم وخذتها الجامعه وهم سايرن الجامعه :-

دشوا وساروا صووب الشله ، طبعا بخبركم اربيعات فطيم الروح بالرووح الي وياها فالجامعه :-

J شواقه ، وانتوا طبعا تعرفونها ، انسانه واايد مهذبه وطيووبه واخلاقها عااليه .

J العنود ، هاي البنيه اصرااحه واايد حبوبه ، وأهم شي عندها النكت والضحك والسوالف وقلبها أبيض وماتحب تزعل حد ، ولا تحب تأذّي حد ، وروحها واايد حلوه من الداخل .

J حنين ، انسانه وااايد طيوبه وحبوبه ، والنور الايماني ماشاءالله عليها ظاهر من قلبها وماشاءالله عليها حافظه القرآن وصوتها عذب اصراحه يوم انها تقرا كتاب الله ومن الصديقات المقربات لفطيم .

J ساره ، انسانه واااااااايد هاديه ، ومايخصها فالناس ، وخجوله لدرجه فظيعه وحنووونه too much .

أمل : هلا والله بالصبايا ..

البنات : هههههههههههههه أهلين بالحلوين

فطيم : اشحالكن بنات ؟؟

البنات كل وحده : والله الحمدلله بخير تمام

العنود فجأة : انتي وينج يالقاطعه ....ماتبينين مالج حس ؟؟

فطيم : شسوي بعد ، تعرفون بعد هالدنيا ماتخلص ، اسمحولي والله

العنود : لا لا هب مسوحه ....

البنات : ههههههههههههه

فطيم : العنود ، والله انج ماتيوزين عن سوالفج !!

العنود : من يومي أحب أضحك وأسولف ، هب شرات بعض الناس ، حتى تستحي تضحك ..

ساره وهيه قافطه : بس انزين ، أدريبج منوه تقصدين يالهرمه .

العنود : ههههههههه....خلاص بوي آسفيين آسفيين ......اسمحيلنا ..

ساره : لاعادي بس آخر مره انزيين

العنود : انزين يدوه انشاءالله .

فطيم : شوااقه اشحالج ؟؟

شوق: والله الحمدلله ..أسال عنج !!

فطيم : أنا زينه ، انتي وينج جيه ماتدقين وتسئلين هب اربيعتج انا ؟؟!!

شوق: هيه صح ، أصلن انتي خلاص من عرفتي هالعلياء ماقمتي تسئلين عنا والكل ملاحظ هالشي .

فطيم : دخيلج ..دخيل والديج لاتييبين لي طاريها ،روحه ضغطي واصل حده

العنود : ليش شومستوي؟؟

فطيم: بس خلاص خلها تولي..

سارة : فطيم حبيبتي اصلن انتي ماكان له داعي انج ترابعينها ..

فطيم : هيه والله صدقج ساروه

حنين : لحظه..منو هاي علياء مابعرفها؟؟

شوق : هااذي السوسه خرابة البيوت

وفجأة يجوفونها يايه صوبهن

علياء : السلام عليكن بنات .

الكل : عليكم السلام والرحمه .

العنود : يت يت مفرجة الجماعات ..

سارة وشواقه يضحكون : هههههههه " بس بصوت خفيف ...

علياء : اشحالج فطيم شخبارج ؟؟

فطيم : الحمدلله زيينه ..

العنود : ليش بوي ونحنا مالنا رب فديتج ، ولا عووره ماتجوفين ؟؟!!

شواقة : شكله جيه .

علياء : أوووه سوري والله ماجفتكن ، اصراحه ماتبينون !!

العنود : ليش ابوي تجوفينا لابسات اسود مخفي ، ولا شو السالفه ، فديتنا والله كل وحده أطول عن الثانيه ونبيّن هب شرات بعض الناس " قزومه وحده "

علياء : لاااا هب جيه السالفه !!!!!!

حنين : يابنات استهدوا بالله

الكل : لااله الا الله محمد رسول الله

فطيم : يلا بنات قوموا نسير نجوف النتايج أبرك

العنود : هيه والله صدقج نحن مصطفات من ساعه عسب هالنتايج .

أمل : يلا عيل

فطيم : خلاص علياء نخليج احينه يلا فمان الله ..

علياء : بااااااااااااي " بلهجة دلع "

شواقه : يعل فجج الكسر قولو آمين ؟!!

الكل ماعدا حنين : آآآآآآآآآآآآآآآآآآآآآآآآمين

حنين : "باللهجه الخليجيه " يا بنات بسكن يلا نرووح

الكل : ههههههههههههههههههه

وساروا جافوا النتايج والكل كان ناجح بدرجة امتياز ، الا فطيم كانت ناجحه بدرجة جيد جدا لانه هاذيج الماده خربت عليها .

كانت واايد مضايجه ، بس اربيعاتها حاولوا يخففون عنها ، مع انهم في نفس الوقت كانوا مستغربات ، ليش فطي مالي أشطر وحده فينا مايابت امتياز ؟؟؟؟!!!

ساره : ماعليج فطيم ، بتعوضينها المره اليايه انشااءلله ..

شواقه : هيه والله ، صدقها ساروه ، ماعليه حبيبتي أهم شي انج نجحتي وجيد جدا هب أي شي بعد ..

العنود : يلا عااد طمطوم ، بسجد لع وانشاءالله ربي يعوضج خير ..

حنين : فطيم حبيبتي ماعليكي انشاءالله راح تجيبي أحسن المرات الجايه ، " قل لئن شكرتم لأزيدنكم " صدق الله العظيم .

فطيم : والنعم بالله ، لا أنا هب زعلانه بس حاسه انه هذا كله بسبتي يوم طاوعت هالحقيره علياء وودرت مذاكرتي ، وانشاءالله أعوضها ويكون هالشي دافع لي عسب أييب أحسن انشاءالله ..

الكل : انشاءالله ..

فطيم : بس تعرفون كان خاطري والله أييب الامتياز وأسير البعثه .

العنود : انتي شدراج يمكن هالشي يكون خير لج وانتي ماتعرفين ، شدراج رب العالمين شو مخليلج عقب هالشي ، يمكن خيرة وانتي ماتعرفين ومثل مايقولون الخيرة فيما اختاره الله .

شواقه : ليش فطيم انتي عبالج كلنا بنسافر ..لا حبيبتي شدراج يمكن أهلنا مايوافقون وخاص ونا عندي هالأخو الشرّاني .

العنود : منوه عمر ؟؟ وحليلج ...غمضتيني والله ..

شواقه : جب انزين روحي محرجه منّه ..أونه شو ماعندنا بنات يسافرون برع ..

ساره : هههههههه

شواقه : والله وطلعلج لسان انتي بعد !!!!

حنين : يامسكينه ..

فطيم : والله انه سوالفكن ماتنمل ، بس انا الحينه لازم أرد البيت عسب أميه روحها .....أمول بتتبرعين توصليني ؟؟!!

أمل : أفا عليج والله ، فالج طيب

فطيم : فالج مايخيب ، تسلمين الغاليه ، يلا عيل مشينا

أمل : يلا عيل مع السلامه بنات .

البنات : مع السلامه .

البـــــــــــــارت الحــــــــــــــــادي عـــــــشر

وردت فطيم البيت وخبرت أمها عن النتيجه وأمها كانت واايد مستانسه على بنتها لانها نجحت ويابت نتيجه ترفع الرااس .

أم فطيم : مبرووك يابنتي ألف ألف مبرووووك .

فطيم : الله يبارك فيج أميه ، تسلمين .

أم فطيم : يلا عيل بنتي سيري حجرتج وارتاحي شوي ويوم بيأذن الظهر أنا بقومج .

فطيم : انشاءالله اميه .

وسارت فطيم حجرتها وجافت مسج فالموبايل من خالد يقول فيه :

" هلا فطيم ،اشحالج .. انشاءالله بخير ، مبرووك ع النتيجه الطيبه وربي يوفقج انشاءالله ".

فطيم : يحليله خالد ، حتى نتيجتي سأل عنها والله انه فيك خير ، لو تدري شكثر أعزك ياخالد ....بس والله ماروم اقولك هالشي .. ماروم اقولك عن الي في داخلي ، لانه مايستوي والله مايستوي ...... وطرشت له :

" الله يبارك فحياتك " .

وسارت غفلت شويه وعقبها قومتها أمها وسارت تصلي وعقبها تغدت ويوم كانت ياسه ويا أمها :

أم فطيم : فطيم حبيبتي شوفيج ؟؟؟ انتي هب فرحانه بهالنتيجه ؟؟!!

فطيم : هااه !! لا اميه فرحانه بس كنت أتمنى اني اييب امتياز ، بس بعد الله كريم .

أم فطيم : لايمه ، هب زين عليج تقولين جذه ، قولي الحمدلله على كل حلوه ومره فحياتج والله بيوفقج انشاءالله .

فطيم : الحمدلله ..

ومرت الأيام ومرت ، ولما كانت فطيم خلاص تبا ترقد ، ماكان ييها رقاد ، وكانت تجلب يمين ويسار ، وكانت تحس انه قلبها مقبووض ، وانها تسوي شي غلط ، بأنها ترمس واحد ع الموبايل ، حتى لو انها ماتظهر وياه ، ولا بينهم شي حراام ، لكن بعد ترمسه ع التيلفون شي غلط ، لانه هذا الشي حرام ، وماييوز شرعا ، لانه البنيه كرامتها وسمعتها وعزة نفسها فووق كل شي ، حتى لو انه بتقولون والريال ؟؟

لا الريال غيير ... الريال مهما رمس وعرف بنات ، وظهر وياهن ، مابيستوي عليه شي لانه آخرتها بيخطب وبياخذ وحده مووووووول ماتعرف عنه شي أو بالأحرى وحده هوه متأكد انه مابيظهر عليها شي ، ويلست هالأفكار تتملك فطيم وتشتتها ، وفطيم كل مالها وتحس بأنها هدمت حياتها خلاص ، انها استوت شرات قوم علياء وغيرها بأنها على قولتها صايعه ومايعه ، مع انها ما غلطت ذاك الغلط ، بس تعرفون الانسانة الشريفه من داخلها والي نفسها عزيزه عليها تحس بهالأحاسيس .

فطيم : ياربييه شوها والله هب رايمه أرقد ....يارب ساعدني يارب ..ساعدني يارب ..ارحمني يارب ..والله أحس انه قلبي مقبوض ، يارب اغفر لي يارب ..سامحني يارب ..والله في خاطري أصيح ..أصيح وماأسكت ...والله فيه غصه ..أحس اني مقهوره ...حياتي خلاص ضاعت ..ضاعت .. ضاعت ومالها أي معنى أحينه ..........

أنا شو سويت بعمري يارب ...ليش ؟ ليش؟؟ والله اني خلاص متعذبه ..

والبنيه خلاص تبا ترقد ..تحاول انها ترقد وهيه هب رايمه ..خلاص موووووول وفجأة وهيه تجلب عالفراش ع الساعه 3 الفير ، قامت فطيم !!! فجأة جيه روحها قامت ...تعرفون شو سوّت ؟؟؟!!! جوفوها شو سوّت ..

فطيم وهيه مضايجه : ياربيه أنا اذا يلست جيه مابروم ارقد ...خلاص مابروم ، خل أقوم أصلي ركعتين أريّح لي يمكن تهدى نفسيتي شوي .

وبالفعل قامت فطيم وتوضت ولبست شيلة الصلاة وفرشت السياده بالحجره وصلّت ركعتين وعقبها قرت صفحتني من القرآن وسكرته ، وعقبها تعرفون شو سوّت اصراحه هذا الموقف واايد أثّر فيني وأحس انه موقف حلو جدّا جدّا جدّا ولا يوصف ..

في هاللحظه رفعت فطيم ايدها لرب العالمين ، والحجره كانت ظلمه مافيها غير نور الليت هذا الصغير " مال النوم"

وهيه تصيح وتقول :

يارب يارب ارحمني يارب ... اغففر لي ذنبي الي أذنبته يارب ...يارب وسامحني يارب .....

اللهم ياعزيز ياغفور ...اغفر لي ذنبي يارب ....واهدني الى سبيلك وطريقك يارب ....

يارب ولاتحرمني ايّاك يارب ... اللهم اغفر لي وارحمني وتب عليّ انك أنت التوّاب الرحيم ...

اللهم ولاتحرمني ايّاك يارب العالمين .... اللهم يامقلّب القلوب قلّب قلبي على طاعتك ...

اللهم وقربني اليك يارب العالمين ....اللهم املأ قلبي بحبك وبحب نبيّك يارب العالمين ...

اللهم ارض عني وعن والديّ ياأرحم الراحمين ...

اللهم ان أخطيت فسامحني يارب ، وتب عليّ يارب ...انّك أنت التوّاب الرحيم ..

اللهم ولاتحرمني لذّة رؤياك ومناجاتك يارب ....اللهم وأدخلني فسيح جناتك يارب ..

يارب تب عليّ يارب ....اغفر لي يارب ....اغفر لي ذنبي يارب ...فمن لي غيرك يارب ؟؟!!..

مالي سواك يارب أستجير به ....مالي سواك أرفع له شكاتي ...

يارب ان الهم تملكني ...فأزحه عني يارب ...ان قلبي يوجعني ، فأرحني من هذا العذاب يارب ..

اللهم أنت ربي لااله الاّ أنت خلقتني وأنا عبدك ..وأنا على عهدك ووعدك مااستطعت ...

أبوء لك بنعمتك عليّ وأبوء بذنبي فاغفر لي فانه لايغفر الذنوب الاّ أنت ...

اللهم اني أسألك العفو والعافية ..

اللهم انك عفو كريم تحب العفو فاعف عنّا ... اللهم انك عفو كريم تحب العفو فاعف عنّا ..

وصلي اللهم وبارك على سيدنا محمد وعلى آله وصحبه أجمعين ..

وفي هذا الدعاء ...كانت فطيم تحس براحه نفسيّه تتملّكها شوي شوي .... تحس والدموع قاعده تذرف من عيونها بأنها مرتاحه ...مرتااااااااااحه ..

تعرفون شو يعني مرتااحه ...يعني عقب الضيج الي كانت فيه والحيره الي كانت فيها ...حست براحه عجيبه ...راحه أنا لو رمست عنها مابقدر أوصفها ...تعرفون ليش ؟؟

لأنها راحه من داخل قلبها ...راجه نابعه من قلبها الطاهر .. وهذا كله كيف بس لأنها ساعه أو يمكن نص ساعه ياسه ويا ربها ..ياسه ويا الي الي خلقها ....ياسّه مع القوي الجبّار الذي لا يظلم عنده أحد ..

وكانت الدموع في هذي اللحظه ...لحظة الدعاء ماتوقف من عيون فطيم ...وهذا شي طيّب اصراحه ...شي أنا أعتبره واايد زين ..لأنه التائبين والعائدون الى الله ماينعرفون الا بهذي الدموع البريئة الصادقة ..

الدموع الي تبين اذا هالانسان يحس أو لا ..؟؟

صح انه فطيم كانت تصلي وتصوم وتسوي كل هالأشياء ..لكنها لأول مره بحياتها تحس بتقربها لله عزوجل ..تحس بحلاوة الجلوس ولو دقيقة مع رب العالمين ..والله ثم والله انها بتكون دقيقه ولا أروع !!

سبحان الله هذي هيه الدنيا الواحد مايعرف ولا يتذكر فيها ربه الا وفت الشده ...وقت الحاجه ......سبحان الله ، وعقب مادعت ، مسحت فطيم الدموع من على ويهها عسب تسير ترقد لانها حست انها في هالوقت بتروم ترقد ، وبالفعل قامت وردت السياده مكانها .. وحطت راسها عالمخده ..حطتها من هنيه وسمت باسم الله ...ونامت ..

سبحان الله ..توها متعذبه ...متألمة ...قلبها مضغوط هب رايمه ترقد ....وأحينه نامت ..كيف؟؟؟

من رب العالمين سبحان الله ..

:scratch:

كيف يعني ,,؟

بنيلس جذااا وين التكمله البارات [[ حرام عليج نبا نشوف الباجي

مايهمكم والله بس تريواا علي شوي
شوي بس :|

يعطيج العافيه اختي راعية الكلوزر على الموضوع الغاوي

والله يخليج لنا و لها المنتدى الرايع وبمواضيعج الي تقطر عسل

keep it up honey

الله يعافيك اخوي " عبود " :lol:
وانشاءالله أييب لكم مواضيع أحلى وأحلى انشاءالله

البــــــــــــــــــــــارت الثــــــــــاني عـــــــــــشر

وفي اليوم الثاني ، قامت يمكن ع الساعه 10 الصبح ، وهيه قايمه ..كانت تبتسم ...الابتسامة مرسومة على ويهها سبحان الله ..

ومع مرور الأيام فطيم بدت تتغير للأحسن فقامت كل ما تسمع القرآن مشغل تيلس حذاله وتسمع ، ولما تجوف محاضرة فالتيلفزيون ماتفوتها ..وكان هذا الشي نابع من داخلها وتبا تسويه ...

ومرّة وهيه ياسّه في الصاله ،والموبايل كان وياها ، رن الموبايل وطلع خالد ..ماردّت عليه ..وحاولت انها تيوّد عمرها ، وفكل مره هوه يتصل وهيه ماترد عليه ، يطرش مسجات وهيه ماترد ...

وفي يوم من الأيّام قالت بطرّش له مسج ، وجوفوا شو كتبت بالمسج :

" السلام عليكم ..اشحالك خالد ؟؟عساك طيّب ؟؟ اسمحلي مارديت عليك ...وأنا خلاص ماراح أرد عليك ..لأنه الي قاعد يصير بينّا شي غلط وماييّوز شرعا ، وأنا قايلتلك هالرمسه من قبل ..وأحينه بعيدها وجان انته تباني صدق باب بيتنا مفتوح وحيّاك الله بس هب أحينه ...لأني مثل ماقلتلك أدرس والسموحه منك .."

وصل خالد المسج ، وكان مستغرب من الرمسه واايد ، وحاول يتصل بها ويطرش مسجات بس طبعا محّد يرد عليه ، لأنه فطيم خلاص قررت هالشي .

ومرّت الأيام ويت ثاني سنه جامعه ، وطبعا فطيم كانت متوفقه في دراستها وايد ولله الحمد ، برضا ربها وبرضى أمها عليها ، والحمدلله كانوا اربيعاتها وايد مساعدينها في الجامعه ، وقدرت رغم هالظروف القاهرة انها تتجاوز المحنه وتنسى خالد الانسان الوحيد الي حسّت تجاهه بشي من الشعور الحلو ، وكانت هذي التضحيه وايد غاليه ع قلبها وفي هالأيام بعد ،خالد وقّف اتصالاته ، وماقام يطرّش مسجات ولا شي ، ومع انّه فطيم كانت مضايجه من الي قاعد يستوي وكان هذا الشي يأثر عقلبها ، لكنها في نفس الوقت كانت قويه في اتخاذ هذا القرار وعدم التراجع عنه .

ومرّت هالسنة على خير ، وفطيم يابت أحلى الدرجة ، وكانت وايد مستانسه وفرحانه وكانت دايما تذكر الله وتحمده وتشكره على كل حلوة ومرّه في حياتها وكانت كل مالها تتقرّب أكثر وأكثر من رب العالمين .

وخلصت الجامعه وتخرجت هيه واربيعاتها ، وكانوا صدق صدق واااااايد مستانسين وحياتهم كانت واايد حللللللوه بهالتخريج الي يرفع الراس .

ومثل ماتعرفون أمل اربيعة فطيم انسانه قوييه وشخصيتها اقوى فقدرت نها ترمّس أهلها وخلتهم يوافقون على موضوع البعثة ، وبالفعل سافرت هيه وأخوها الي كان مسافر عسب مشروع بريطانيا ، وبدت تكمل دراستها هناك .

شواقه ، طبعا هذي البنيه مخها وايد متفتح ، صح انها ماقدرت تسير ويّا أمل بهالبعثه عسب أخوها شرّاني مثل ماتقول ، لكن قالت بتكمل دراستها فالدوله .

العنود ، طبعا تذكرونها ...الانسانه الذكيّه الي تنسّي الناس همومهم بضحكتها الحلوه الي تشرح القلب ، الله يسلمكم هاي البنيه سوّت لها مشروع هيه واختها العوده وهوه صالون نسائي ، صح انّه المشروع مايناسب الي هيه درسته ، بس بعد هيه ماتحب الدراسه وايد .

حنين ، الانسانة الرقيقة المشاعر الطيبة ، بدت تدرس في كلية الطب ، وطبعا هيه سايره على هالدرب الي اختارته ومشت عليه .

سارة ، الانسانة العطوفه ، الهادية البريئة بابتسامتها الرقيقة ، تعرفون شو استوى لها؟؟

عرّست ، خذت ولد عمها ، صح انه عصبي مثل ماتقول ، بس بعد هيه موافقة عليه وتحس انه هوه الانسان الي بيسعدها وبيحافظ عليها ، وطبعا هذا مع راي أهلها .

خلـــــــــــــصنا من البــــــــــنات كلــهن ولا ..؟؟

هيه صح بجت بطلة القصة وهيه فطيم ، خلّونا نكمل قصتها وشوفوا شو استوى لها .

البـــــــــــــــــــارت الثـــــــــــــالث عــــــــــشر

طبعا مثل ماتعرفون ، فطيم مايابت من البداية النسبة الزينة في المادة الي كانت بتأهلها للبعثة ، ومع انها كانت تتمنى هذا الشي ، بس بعد توكلت على رب العالمين وقالت انه الله ماراح ينساها .

أم فطيم : فطيم ، يمه وينج ؟؟ تعالي اسمعي هالخبر الحلو .

فطيم : هااه يمه شو السالفه ؟؟

أم فطيم : يمه فطيم ، فيه ناس يبون ييون باجر ويجوفونج ويخطبونج حق ولدهم .

فطيم : ....................هااه ، يخطبوني أنا ؟؟ " وهيه فاجه الحلج "

أم فطيم : هيه يمه ، انتي .

فطيم :يمه وانتي شوقلتي ؟؟

أم فطيم : مارديت علهم خبر ، خل ييون باجر ويصير خير .

فطيم : .................هيه صح يصير خير .

وعقبها روحت عن امها وسارت حجرتها .

فطيم : الله يالدنيا ، والله أيام ، يخطبوني أنا ؟؟أنا فطيم ؟؟والله ماكنت أتوقع !! والله انه قلبي خلاص ماعاد يتحمل ، وينك ياخالد ؟؟ليـــــــــــش تخليت عني ؟؟ هذا كله بس عسب قلت لك مابرمسك بالتيلفون ، وانه هذا الشي مايصير ، تتخلّى عني بهالسهولة ، الله كريـــــــــــــم .

ماقول غير الله يسامحك ياخالد ، والله اني ماكنت أبا غير الخير لي ولك .

ويا اليوم الثاني ، ويو أهل المعرس يجوفون فطيم ، وعيبتهم وقالوا انهم خلاص موافقين ، ومب باجي غير انه المعرس يجوفها ، وكانوا يايبين وياهم بنتهم ريم .

ريم : الله مرت أخوي حللللللللللللوه ....الله أخوي بيعرّس ...الله وناسه ..

الكل يضحك : ههههههههههههه

فطيم : ...............ماتعرف شتقول .

واتفقوا الكل أنه المعرس بيي باجر ويجوفها ، لأنهم واايد مستعيلين ولأنه المعرس يبا يملج ، وعقب ياخذ حرمته ويسافرون عسب دراسته .

البـــــــــــــــــارت الأخـــــــــــــــــير
" النهـــــــــــــــــــــاية "

وعقبه بجم يوم ، يو أهل المعرس ، ودخل المعرس الميلس ، ويلس ويا عم فطيم ، بدا يرمسه ، وياخذ عنه معلومات ، وين يدرس ؟؟ وجم معاشه ومن هالقبيل ..

صووب أهل المعرس " الحريم "

فطيم كانت واايد مرتعبه ، وتحس بشي غريب وعجيب يجووول في خاطرها هب عارفه شو هوه ؟؟!!

ودش المعرس الصاله ويلس في صالة الحريم عسب يجوف فطيم .

وظهرت فطيم من حجرتها عسب يجوفون بعض ، وتوقعوا شو استوى ؟؟!!

فطيم ماعرفت شو تسوي من الصدمه الي جافتها ؟؟!! تمّت وااقفه وهيه مبطله الحلج تعرفون شو جافت ؟؟ ومنو كان المعرس ؟؟

المعرس كان خاالد .. خااالد ماغيره .....خالد الي رمسها قبل سنتين وجافته وعرفته ، بس مالمّحت بشي ، وهوه بعد جافها ، وكان واايد مستانس بس فيه ضحكه .. اصراحه اثنيناتهم أشكالهم تضحّك .

وروّحوا الأهل ، وكل واحد سار بيته ، ويلس العم ويا فطيم يقوللها بأن هذا الريّال واايد زين ، وماشاءالله عليه ، رمسته طيبه ودارس ويشتغل ومقتدر ، وبعد يبا يكمل دراسته برع وأكبر عنج ب3 سنين ...يعني زين وأنا أجوف انج تفكرين واايد زين ، وعقبها ظهر من الحجره .

فطيم : معقوله ..معقوله الي قاعد يصير ..خالد ..خالد ، يعني كان صادق وياي برمسته وماكان يبا يلعب كان صادق ويااي ...أحمدك يارب ..أحمدك يارب ..

وطبعا صلّت صلاة الاستخاره ، وكانت مرتاحه نفسيّا ، وعقب ملج عليها خالد وعقبها رمسها ، بس هالمره بالحلال ..حرمته ..

وكانت حياتهم واايد حلوه وسعيده وكانوا مرتاحين فيها واايد ، والكل يحسدهم على السعاده الي هم فيها .

وعاشوا فطيم وخالد حياتهم الحلللللللوه ، الي كانت بالنسبه لهم أجمل وأحلى من كل شي ...

رســــــــــــــــــــــالة موجــــهة منــــي شخصيـــاّ " كاتبة هاي القصة " لكــــــــل مــــــن يســــــــمع هالـقـــــــــصة أو يـــقراها :-

في البداية أحب أقول ، ثانكس لأنكم قريتوا قصتي المتواضعة ، وانكم عطيتوها جزء من اهتمامكم .

هاي القصة ، يمكن انتوا تحسونها بعيدة شوي عن الواقع ، أو انها ماتستوي ، لكن أنا أقولكم اياها تســـــــــــــتوي ،في هالزمن تســــــــــــــتوي .

هالقصة الي تحكي عن فطيم ، الانسانة المؤدبة الي كافحت وكافحت ، وضحّت بأشياء كثيرة ، وفي النهاية حصّلت كل شي ، بدون ما تركض ورى هالشي .

كل انسان يووم يبا شي ، يحاول أنه يسوي ويبذل قد مايقدر ، عسب يوصل لهالشي ، ولكن بدون توكل على الله ، بس يمشي ويركض ورى هالشي ، ويبذل أقصى ماعنده عسب يووصل بس يووصل لهالشي ، بس جوفوا فطيم ، مع انها كانت تحب هالانسان واايد ويعني تعزه لدرجه فظيعه ، داست على قلبها بس عشان رب العالمين ..

داست على حبها بس عسب ترضي الله سبحانه وتعالى ، وفرّت كل شي ورى ظهرها عسب انه رب العالمين يرضى عنها ، مع انّه تعرفون الوااحد منا هالأيام يووم يتعلق بشي مايروم يهدّه لو شو يصير ، بس فطيم رامت انها تتحدى هالظروف ، وطبعا الله عوضها خير ....ليش ؟؟

لأنها وبكل فخر أقولها ...حطّت في بالها شي وااحد ..." حبي لرب العالمين فوووووق كل شي ..لازم يكون هالحب فووق كل حب ".

وطبعا تعرفون الله سبحانه وتعالى يووم يحب عبده يحبّب خلقه فهالعبد .

وهالانسانه بس نص ساعه ، نص ساعه ياناس يلست فيها مع رب العالمين ، هاليلسه جم غيّرت فيها !!؟؟ جم أثّرت فيها !! جـــــــــــــــــم داوت جروحــــها ؟! دقيقة بس شتسوي ؟؟؟؟؟

وفي النهاية مابه أطوّل عليكم بالرمسه ، بس الرسالة الي حبيت أوصلها ، أو بالأخص الشعار الي بغيت أقوله :

" انّه طاعتي لربي فووق كل شي ، وحبّي لربي فووق كل شي ، دامه رب العالمين يحبني أكييد بيرحمـــــــــني ...وماراح يخذلـــــــــــــــــــــني ".

أترجــــــــــــــــــــــــاكم نصيحة منــــــــــــي ...خلّوا هالشي في بالكم ولا تنسونه ..

مــــــــــــــع تحيــــــــــــــاتي ، كاتـــــــــــــبة القــــــــــــــصة : همـــــس القــــــوافي

يسلمو ع طرح القصه اصرااحه كول كول

وربي يعطيج العافيه ولايحرمنا من يديدج الحلو ,,,

يسلمو

الله يعافيك اخوي سولجا ،،،، :)